பாடசாலை மாணவிகளுக்கு ஆபாச குறுந்தகவல்கள் அனுப்பியதாக ஆசிரியர் கைது
பாடசாலை மாணவிகளுக்கு ஆபாச குறுந்தகவல்கள் அனுப்பியதாக ஆசிரியர் கைது
பண்டாரவளை, ஜூலை 31 – பண்டாரவளை பகுதியில் அமைந்துள்ள பாடசாலை ஒன்றில் பணியாற்றி வந்த ஆசிரியர் ஒருவர், மாணவிகளுக்கு ஆபாசமான குறுந்தகவல்களை அனுப்பியதாகக் கூறப்படும் குற்றச்சாட்டின் பேரில் பண்டாரவளை பொலிஸாரால் கைது செய்யப்பட்டுள்ளார்.
பொலிஸாரின் ஆரம்பகட்ட விசாரணைகளின் அடிப்படையில், குறித்த ஆசிரியர் பாடசாலை மாணவிகளுக்கு ஒழுக்கக்கேடான மற்றும் ஆபாசமான குறுந்தகவல்களை அனுப்பியதாக முறைப்பாடுகள் கிடைத்ததைத் தொடர்ந்து அவர் கைது செய்யப்பட்டதாகத் தெரிவிக்கப்படுகிறது.
சம்பவம் தொடர்பில் தகவல் அறிந்த பெற்றோர்கள் பொலிஸ் நிலையம் மற்றும் சம்பவ இடத்திற்கு அருகில் ஒன்று கூடி, குறித்த ஆசிரியருக்கு எதிராக கடும் எதிர்ப்பை வெளிப்படுத்தினர்.
மேலும், கைது செய்யப்பட்ட ஆசிரியரின் தாயாரும் ஆசிரியராக பணியாற்றி வருவதாகக் கூறிய பெற்றோர்கள், அவர் பணியாற்றும் பாடசாலையின் முன்னாலும் தங்களது எதிர்ப்பை வெளிப்படுத்தவுள்ளதாக எச்சரிக்கை விடுத்துள்ளனர்.
இந்த சம்பவம் தொடர்பான மேலதிக விசாரணைகளை பண்டாரவளை பொலிஸார் மேற்கொண்டு வருகின்றனர். சம்பவம் தொடர்பான கூடுதல் தகவல்கள் வெளியாகும் என எதிர்பார்க்கப்படுகிறது.
What's Your Reaction?
